不如发展其他兴趣。

        我叫阿敏教我打机。

        「打机？你唔系锺意写咩？」阿敏打机好叻，可以一心二用，一路打，一路同我倾偈。

        「我唔写喇……我写得唔好……」我越讲越细声，好似做咗亏心事噉。

        「写得唔好？好睇到我晚晚上网睇你更新咗未。」头先我啱啱入房嘅时候，阿敏就嚟打嬴，而家佢连续几次走错位，俾敌人杀咗，明显个心乱晒。

        「你知道我用边个网？」我无谂过阿敏会知道。

        「你自己讲嘅！嗰日你喺网开at，好开心噉话我知你要去追梦。」听到阿敏噉讲，我即刻记起当时自己系几有决心，亦意识到自己而家系几咁失败。

        「估唔到你会记得……」我丑到唔知讲咩好，唯有走人：「我返出去先……」

        「我从来无见过有大人可以笑得咁开心，笑到成个细路噉。」阿敏望住个mon笑得好温柔。「我睇得出你真系锺意写。」

        「我中学嗰阵已经好锺意写，不过文笔差，剧情老土……」我谂番起以前嗰种好单纯嘅开心。

        内容未完，下一页继续阅读