「自己开心咪得罗！」阿敏回复状态，再次反杀敌人。

        「我而家心情好返晒！多谢你！」我衷心多谢眼前呢个好锺意打机嘅废青。

        「今晚你煮饭。」阿敏突然J笑。

        「好呀！」我无拒绝，照单全收。

        半年後，我喺网开始连载长篇。读者唔多，而且反应负面，绝大部份留言系话剧情好闷。好彩我早有心理准备，无论对住任何意见都好淡定，轻轻松松写句「多谢留言」。

        连载咗无耐，小花嘅新书亦喺书局上架。作为「天字第一号fans」，我梗系即刻买一本翻屋企睇。後来知道小花有签名会，我即刻递纸请假去排队攞签名。场面好墟冚，大部份人系孭住书包嘅学生，似系一放学就赶过嚟。见到小花咁受欢迎，我戥佢好开心。

        「你使唔使咁感动呀？」阿敏笑我「发花癫」。

        「你唔明?喇！我同小花呢啲系知音情！」我扮嬲，乘机大大力打阿敏手臂一下。

        阿敏嘅笑容僵住，窒咗一秒先回复嬉皮笑脸个衰样：「我净系知道你做家务嘅时候好滋Y！」

        三个月之後，我个连载终於完结。情况同初头差唔多，负评占绝大多数，不过我最在意嘅系有读者留言话「期待你嘅下一篇」！我开心到呢！即刻sendmessage畀小花，想多谢小花鼓励我，点知发现小花一早封锁咗我！

        内容未完，下一页继续阅读