撇除已婚人士同男X，其余喺我手提电话通讯录嘅人都收到我嘅message。由於系半夜，好多人瞓咗，回覆我嘅只有小猫三四只，而且系算唔上朋友嗰几个。佢哋八卦几句之後，通通已读不回。

        唯独是有一个叫做「阿敏」嘅人问得b较详细，似乎真系有心帮我。其实我完全唔记得边个系阿敏。唔紧要，佢肯帮我就得。倾咗一阵之後，阿敏终於露出真面目：「我租间房俾你，每月租金三千蚊，包管理费、差饷，水电煤实报实销。」

        我觉得几抵，又安全过住劏房，於是立即应承。阿敏话自己住喺临庇护中心附近，可以即刻嚟接我。我孭住个袋，企喺庇护中心门口等阿敏。佢话会着白sE卫衣加灰sE长K过嚟。我四围望，希望可以尽早见到佢个样，记起佢系边个，相认时就无咁尴尬。

        等咗一阵，见到一个着白sE卫衣、灰sE长K嘅身影行过嚟。咦？个身形有啲似男人，应该唔系阿敏。我继续四围望，点知头先个身影行到我身边停低：「张小姐！」

        「阿……阿敏？」我好惊讶——阿敏系个男人？哎呀！我竟然见到个「敏」字就直觉认定对方系nV人！

        「系呀！你唔认得我？」阿敏一眼睇穿我谂咩。

        「认得，你系几年前帮我搵屋个地产经纪。」我扮镇定。

        「行啦！」阿敏好细心，主动帮我攞袋。

        「唔该……」理智叫我即刻拒绝，乱咁跟男人返屋企好危险。不过我又无其他办法，唯有博一博。

        十五分钟後，我已经喺阿敏屋企。

        「我细妹搬咗，唔会返嚟。」阿敏望住租俾我间房，个样好唏嘘。「你放心喺度住啦！」

        内容未完，下一页继续阅读