我冲凉之後食咗两个杯面，好饱肚、好暖、好舒服。但系我偏偏瞓唔着，个脑好多嘢谂。

        谂乜嘢？

        我要写！我要写！我要写！

        我攞部电话出嚟，写写写写写，谂到乜就写乜。即使上文唔接下理，即使执笔忘字，即使剧情老土到烂，我唔理！继续写写写写写，直到电话同个人都无电为止。

        呢晚系我有生以嚟最折堕嘅一晚，亦系咁多年以嚟瞓得最好嘅一晚。

        一星期後，我成功补领到提款咭，唔需要问人借钱。阿敏亦无叫我走，继续俾我喺度住。原来阿敏已经大半年无做嘢，亦无谂住搵工，所以我成为咗佢唯一收入来源。阿敏对我好客气，家头细务全部由佢一个人Ga0掂。

        生活顺利平凡到单调乏味，好彩我唔再求啲乜，除咗写。我特登搵份工作量唔多嘅工，有时间偷偷哋喺公司写，放工之後亦有JiNg神继续写。我喺网开咗个at上载。虽然读者反应麻麻，但系我好开心、好满足。

        呢种平凡嘅美好生活维持咗三年。直到我识咗小花……

        「小花」系个有好多fans嘅网络作家，我一路有追佢啲。睇番记录，佢写咗只系半年就已经有好多fans。难怪嘅，佢真系写得好睇！不过，点解小花会sendmessage畀我？

        「你写嘅好好睇！我好锺意！」

        内容未完，下一页继续阅读