我做咁多嘢系为乜？而家竟然连灯都唔敢开！

        我尽力唔喊出声，不过最後依然嘈醒晒其他租客。粗口横飞，我嘅祖宗十八代同阿妈无一幸免。无几耐之後，粗口突然停晒。

        「楼下火烛呀！」

        太突然喇！我呆住，以为自己发紧梦，直至房门出面越嚟越嘈，我清楚听到其他租客嘅脚步声、呼救声、杂物碰撞声……我呢个时候终於相信自己唔系发梦，而系真系咁黑仔，真系遇着火烛！下意识即刻擸起手袋，跟住其他租客冲去後楼梯。

        我今日见工用过呢个手袋，入面有齐履历表、证书。至於手袋入面系咪有齐逃生三宝Sh毛巾、锁匙、手提电话，我唔知，亦唔想理。我关心系咪搵到工多过系咪保得住条命！我惊搵唔到工多过无咗条命！

        好彩後楼梯无乜杂物，我好快落到楼下，跟住消防员指示去到安全地方。远远望到自己间房嘅窗口冒出浓烟，然後见到火舌慢慢由室内烧到出外墙。我个脑突然空白晒，第一次感受到咩叫「一无所有」——连情绪都无埋。过咗半个钟，火势越嚟越大，升做三级火，估计有排救唔熄。我跟其他租客去临时庇护中心过夜。

        肚好饿，地好y，冷气好冻，所有灾民个身都好臭。我觉得好讨厌，但系我接受——银包漏咗喺单位入面，而家我无钱、无提款咭喺身；如果唔接受，我就要搲烂块面问人借宿借钱。

        唔好谂，快啲瞓！

        最衰个脑唔听使，不停谂将来会系点，Ga0到完全瞓唔着。

        唔好讲咩难受唔难受、尊严唔尊严，嗰啲全部系後话——生存到先再讲。即使今晚唔问，迟早都系要问。喺补领到提款咭之前，点都要借钱租屋住或者买衫去见工。

        即刻问！

        内容未完，下一页继续阅读