「系，但系无谂住改变。以前啱啱离家出走之後，日算夜算，算尽所有方法令自己活得更好。点知一次经济不景加一次火烛就乜都无晒。我算到尽都唔够个天咁尽，真系人算不如天算……倒不如好好活在当下，活得尽兴就要满足。」以前嘅错折已经好遥远，对我嘅影响远远不及而家手中嘅一杯热朱古力。我又饮一啖——好饱肚、好暖、好舒服。

        阿敏啱啱打完一场，无再开新一局。佢伸一伸懒腰，问我：「你点样先会活得尽兴？」

        我谂都唔使谂，答：「写。」

        「你嘅逻辑有问题——话唔知自己系咪好锺意写，又好肯定咁话写先会尽兴——如果唔知，又点会咁肯定？」阿敏身T微微倾前，个样好认真，直望入我双眼。

        「你以前读书时有无参加过陆运会？」我放低个杯，坐直个人，同阿敏对望。「明明唔锺意参加，又唔可以唔参加，唯有参加自己b较有兴趣、b较擅长嘅项目。本来目的系苦中作乐，但系因为练习时全情投入，结果不知不觉变得认真、在意结果，不知不觉忘记起初单调乏味嘅苦，不知不觉得到伤痕、眼泪、挫败感、毅力、坚持、成长……」

        「明明过咗三十岁，你仲讲到自己系好青春、好热血嘅中学生！」阿敏忍唔住大笑。

        「青春、热血系形容心态，唔系形容年纪。我去到七老八十都可以好青春、好热血！」我预咗阿敏会笑我，所以完全无尴尬。

        「系咩？」阿敏依然笑唔停。

        「唔信？我俾你见识下我嘅热血青春！」趁阿敏唔为意，我扑前锡咗佢块面一啖。「我中学嗰时就系噉样示Ai。」

        【本章阅读完毕，更多请搜索途阅小说;http://m.zhangluduo.com 阅读更多精彩小说】