阿敏开咗罐啤酒，一路饮，一路讲，一路苦笑。「我清楚明白佢嘅意思，亦唔会去烦佢。唯一问题系我个心放唔开。我知道自己唔应该继续挂住佢，要重新出发、搵过另一个，不过我无动力去咁做。我以前做到成只狗咁就系为咗赚多啲钱，畀好啲嘅生活佢，等佢可以风风光光咁嫁俾我。自从佢走咗，我觉得返工完全无意义，每日只系想执到间屋整整齐齐……」

        「即使你继续唔放弃，即使你等一世，佢依然永远唔会返嚟！」我好担心阿敏。感情易放难收，唔系单凭理智可以解决嘅事，即系阿敏可能成世走唔出呢个Y影。

        「我明白，不过偏偏放唔开……」阿敏放低啤酒罐，笃咗我个额头一下。「你唔同呀！我嘅角sE好被动，你嘅角sE完全系喺主动位，无论人哋讲啲乜都唔会真正阻止到你——你有手有笔就可以继续。所以放弃定唔放弃系你话事。」

        阿敏好潇洒咁转身离开，边行边背对住我讲：「我记得以前帮你搵租盘嘅时候，你系个骄傲嘅人。点知嗰晚收到你嘅message，见你话自己住嘅劏房火烛，四围问人借宿借钱。我本来抱住幸灾乐祸嘅心态，想睇下你个惨样，睇够就赶你走。点知你又好快重新振作，仲话要追梦。当刻我觉得好感动，想继续见到你追梦个幸福样，决定唔会赶你走……你放心，无论你而家决定放弃定唔放弃，我都唔会赶你走——我啱啱谂通自己应该点做。」

        第二日，阿敏开始搵工，好快有公司请佢。佢无再好似以前咁每日做晒所有家务，而系等放假日子同我两份分嚟做，做完佢就返入房打机打到天昏地暗。

        好佩服阿敏，话改就改，仲要改得咁彻底。反观我自己，开口埋口话追梦，实质一遇上错折就嗌放弃……

        到底我系咪真系锺意写？我谂咗呢个问题好耐，最後我决定唔再谂，单凭感觉去做——想写就写，唔想写就放低支笔，唔会再为写而写。我发现自己写嘅次数越嚟越频密，投入程度越嚟越高，连大老板喺身边行过都唔知。结果我收到大信封，要即日离职。

        阿敏一路打机，一路听我讲今日发生乜事。我讲完之後，佢笑笑口问我：「你系咪好锺意写？」

        「唔知道。我成日嗌放弃，嗌完之後又继续写。情况好似唔成熟嘅情侣，成日分手，分完之後又复合。未谂清楚想点，所以放弃。冷静之後谂清楚，又觉得其实系有Ai。呢种Ai系咪真系Ai，我唔知。」我搬张圆凳埋电脑枱边，一路饮热朱古力，一路睇阿敏打机，一路好认真咁答。

        阿敏睄我一眼，即刻收起笑容：「你即系觉得自己唔成熟？」

        内容未完，下一页继续阅读